Hjólreiðafélag Reykjavíkur kann að skipuleggja skemmtilegar þrautir. Börnin voru himinlifandi með krakkaþrautina sem haldin var í Heiðmörk í dag. Það þótti ótrúlega spennandi að hjóla í náttúrunni upp og niður brekkur og meðfram Elliðavatni. Allir krakkarnir voru sigurvegarar; þau fengu vænan verðlaunapening með nafninu sínu árituðu og verðlaunapoka með bíómiða, andrésblaði, vatnsbrúsa, góðgæti og fleiru. Það voru eflaust margir sælir sigurvegarar sem lögðust á koddann sinn í kvöld. 

Heiðmörk er frábær staður til að hjóla saman og eiga notalegar samverustundir!