Fyrir nokkrum árum kom dóttir mín heim úr skólanum og fór að segja mér frá deginum. Henni lá mikið niðri fyrir og hafði frá miklu að segja. Á meðan var ég að sinna heimilisverkum og gaf mér ekki tíma til að setja niður og hlusta á hana.

Allt í einu stoppaði hún í miðri setningu og sagði: „mamma, þú ert kannski að hlusta á mig en þú heyrir ekki hvað ég er að segja „.

Þessi setning vakti mig til umhugsunar.

Það skiptir svo miklu máli að hlusta á börnin og heyra virkilega hvað þau eru að segja.

Virk hlustun felst í því að horfa á barnið og veita því óskipta athygli.

Hversdagslegir hlutir geta verið einstakar upplifanir í augum barns sem það vill fá að deila með foreldri.

Það getur verið að takast á við erfiðar aðstæður og þarf athygli og stuðning. 

Með virkri hlustun erum við að styrkja sambandið við barnið og byggja upp traust til framtíðar.

„Komdu, ég þarf að hlusta á þig.“ Þessi áhrifaríka en einfalda setning er lýsandi fyrir bókina Hollráð Hugos – hlustum á börnin okkar. Bók sem við mælum með fyrir alla sem koma að uppeldi barna.

Hlustaðu á það smáa og þér verður treyst fyrir því stóra -Hugo Þórisson.