Laugardaginn 7. febrúar kl. 11-12 verður haldið fuglanámskeið fyrir börn og aðstandendur þeirra á vegum Fuglaverndar og Garðyrkjufélags Íslands.

Þegar vetrarhörkur ríkja eiga fuglar erfitt með að finna sér fæðu til að lifa af. Þá er gott að eiga góðan vin sem færir þeim fóður.

Steinar Björgvinsson fuglaskoðari ætlar að fræða gesti um hvernig á að fóðra smáfugla á veturnar. Hann mun sýna myndir af fuglum, kennir hvernig hægt er að búa til fuglafóður, hvar best er að skilja það eftir og fleira sem gott er að vita.

Námskeiðið verður haldið í Síðumúla1 í Reykjavík og er aðgangur ókeypis.

Sjá nánar hér

Mynd að ofan er fengin að láni hjá Fuglavernd – BirdLife Iceland og er af mjög gæfum auðnutittlingi sem hefur verið lengi í fóðrum í garði ljósmyndarans Arnar Óskarssonar á Selfossi.