Topp 10 á Akureyri fyrir fjölskyldur í sumar

Akureyri er miklu uppáhaldi hjá minni fjölskyldu. Við förum þangað á hverju ári og er alltaf mikil tilhlökkun hjá sonum mínum.

Akureyri er ekki bara mjög fallegur bær heldur er fjölbreytt afþreying í boði fyrir fjölskyldur. Stutt er á milli staða, í bænum eru falleg útivistarsvæði, frábært skíðasvæði, skautahöll, góðir veitingastaðir, barnvæn sundlaug og fleira skemmtilegt.

Á Akureyri er ókeypis í strætó og alltaf vinsælt hjá sonum mínum að velja þann ferðamáta um bæinn.

Ég bað syni mína sem eru  9 og 12 ára að velja 10 staði sem þeim finnst skemmtilegast að heimsækja á Akureyri.

Topp 10 á Akureyri í sumar

1.  Fara í Kjarnaskóg sem er frábært útivistarsvæði. Þar eru meðal annars göngustígar í allar áttir, leiktæki fyrir börn, góð yfirbyggð grillaðstaða, blakvöllur og fleira. Það er alltaf vinsælt að fá að vaða í læknum, leika í skóginum, taka með nesti og borða í skóginum.

2. Fara á Flugsafn Íslands sem er við Akureyrarflugvöll og þar er hægt að skoða ýmsar stærði og gerðir af flugvélum. Einnig er hægt að fræðast um sögu flugsins á Íslandi og skoða myndir sem tengjast flugi. Safnið er opið alla daga kl. 11-17 frá 1. júní -30. september.

3. Fara í  Jólagarðinn í Eyjafirði sem er töfraveröld jólanna og aðeins 10 mín. akstur frá miðbæ Akureyrar. Þar eru jólin allt árið, það snarkar eldur í arni, jólasöngvar hljóma og jólaangan fyllir vitin. Umhverfis húsið er fallegur garður þar sem hægt er að njóta næðis og borða nesti. Jólagarðurinn er opinn allt árið um kring.

4. Fara í Sundlaug Akureyrar sem er mjög barnvæn og og skemmtileg. Þar eru meðal annars tvær rennibrautir, busllaug með leiktækjum, heita potta, inni- og útilaug.

Aðrar barnvænar og skemmtilegar sundlaugar eru Sundlaugin á Hrafnagili sem staðsett í Eyjafirði skammt frá Jólagarðinum og Þelamerkursundlaug Laugarlandi.

5. Fara í Sundlaugargarðinn sem er skemmtilegur fjölskyldugarður við Sundlaugina á Akureyri með margvíslegum leiktækjum. Hann er opinn yfir sumartíminn og alltaf vinsæll hjá börnum.

6. Borða Brynjuís en einnig má benda á að fleiri góðar ísbúðir eru í bænum svo sem Ísbúð Akureyrar, Jogerís, Litla ísgerðin og fleira.

7. Fara í Hamra sem er umhverfis- og útilífsmiðstöð skáta norðan við Kjarnaskóg. Þetta er einstaklega fallegt svæði og kjörið til útivistar með börn. Á svæðinu ertu þrjár tjarnir, bátatjörn, vaðtjörn og leikjatjörn þar sem hægt er að fá leigða báta. Einnig eru leiktæki á svæðinu.

8. Fara í Bogfimisetrið sem býður upp á skemmtilegt sport fyrir alla fjölskylduna. Það er opið alla daga kl. 12-22 og þarf að hringja á undan.

9. Fara á Amtsbókasafnið sem er notalegur staður að heimsækja. Þar er mjög góð barnadeild og þar geta þau einnig fengið að spila tölvuleik.

10. Telja kirkjutröppurnar við Akureyrarkirkju sem er bæði skemmtilegt og góð hreyfing fyrir alla fjölskylduna og fá sér síðan heitt kakó í bókabúð Eymundsson þar sem einnig er hægt að láta fara vel um sig og skoða bækur. Það er líka gaman að fara á  kaffihúsið Bláu Könnuna sem er skammt frá kirkjunni.

Aðrir staðir sem gaman er að heimsækja:

Listigarðurinn er einn af fegurstu perlum Akureyrar og yndislegt að koma með börn. Þar eru fjöldi fallegra plantna, göngustígar í allar áttir, gosbrunnir og litlar tjarnir. Það er veitingasala á staðnum en einnig er upplagt að taka með sér teppi og nesti.

Leikvellir, sparkvellir og brettavellir  eru víða sem gaman er að heimsækja.

Veitingastaðurinn Greifinn býður upp á fjölbreyttann matseðil fyrir alla fjölskylduna og góða aðstöðu fyrir börn. Það er boðið upp á sér barnamatseðil sem er einnig er lita- og þrautabókog fá öll börn sem klára matinn sinn Skoppu og Skrítlu klaka. Einnig er gott leikherbergi á staðnum með DVD myndum.

Það er ókeypis í strætó á Akureyri og því upplagt að fara einn hring um bæinn með börnin. Börn sem ferðast oftast á einkabílum finnst mörgum mjög spennandi að fara í strætó.

Ganga Menntaveginn er spennandi. Fyrir ofan gamla samkomuhúsið stendur Menntaskóli Akureyrar. Norðan við húsið liggur brattur stígur og ef hann er genginn upp kallast hann menntavegur en ef hann er genginn niður kallast hann glötunarvegur.

Sagan segir að þegar Menntavegur sé genginn upp megi maður aldrei líta til baka því þá falli maður. Þegar beygjur kom á veginum fer maður upp um bekk og þegar komið sé upp þá sé maður útskrifaður.

Góða skemmtun !

 

 

 

 

 

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s