Elding býður í páskaeggjaleit í Viðey í dag laugardaginn 28. mars í samstarfi við Freyju, Viðeyjarstofu og Borgarsögusafn Reykjavíkur.

Þetta er skemmtilegur leikur fyrir alla fjölskylduna sem gengur út á það að finna sem flest lítil páskaegg frá Freyju og einnig verða stærri vinningar fyrir þá sem finna sérstaklega merkt egg.

Páskaeggjaleitin hefst kl. 13:30 við Viðeyjarstofu. Afmörkuð verða sérstök leitarsvæði, þar á meðal eitt fyrir 6 ára og yngri. Leikurinn gengur út á að „fyrstur kemur, fyrstur fær.“

Tilvalið er að taka með nesti en einnig er veitingasala í Viðeyjarstofu.

Vegna mikillar eftirspurnar í fyrra er mælst til að fólk skrái sig til leiks með því að bóka far með ferjunni.

Viðeyjarferjan siglir samkvæmt vetraráætlun um helgar.

Brottfarir frá Skarfabakka til Viðeyjar: 13:15, 14:15 og 15:15.

Brottfarir frá Viðey til Skarfabakka: 13:30, 14:30, 15:30 og 16:30.

Verð í ferjuna:  Fullorðnir 1100 kr.   Börn 7–15 ára 550 kr.   Börn 0–6 ára 0 kr.

Sjá nánari upplýsingar á heimasíðu Viðey.

Mynd að ofan er fengin að láni af Videy.com