Heyrst hefur að hjónakornin Hanna Björg (41) og Sara Smart (42) og dóttir þeirra Camilla (11) hafi verið dregnar upp síðast spöl Esjunnar af yngsta fjölskyldumeðliminum Daníeli Kjartani (9).

Forsagan er sú að í tilefni 9 ára afmælis fékk drengurinn upplifunargjöf frá mæðrum sínum. Hann mátti velja hvað fjölskyldan gerði saman á afmælisdeginum. Þær gáfu honum hugmyndir t.d. að veiða, fara í sund, fjallgöngu eða hvað sem hann vildi. Þetta væri hans dagur og þá fengi hann að ráða.

Til að gera langa sögu stutta þá valdi Daníel Kjartan að ganga á Esjuna. Gangan reyndist þrautinni þyngri en þær höfðu gert ráð fyrir og um hálfa leið upp að steini voru þau aðframkomin. Mitt á milli þess sem þau voru að ná andanum sáu þau glitta í STEININN og þá var ekki aftur snúið. Það var ekkert annað að gera en að klára leiðina. Daníel Kjartan ætlaði sko ekki að gefast upp á afmælisdeginum.

Enda sá hann ekki eftir því. Þau enduðu öll í hamingjukasti yfir að hafa komist alla leið.

Útipúkar óska þessum kraftmiklu systkinum til hamingju með afrekið!