Það verður líf og fjör í Reykjavík í næstu viku þegar Barnamenningarhátíð verður haldin. Dagskráin er fjölbreytt og ókeypis á alla viðburði. Sem dæmi þá verður boðið upp á hjólaratleik fyrir fjölskylduna, fjölskylduleiðsögn  um Sjóminjasafnið, ýmsar leiksýningar, tréskúlptúrnámskeið, örnámskeið í skapandi skrifum og bátasmiðju. Fjölskyldan getur skoðað furðuverur og forvitnilegar plöntur í Þjóðmenningarhúsinu og Listasafni Íslands. Á sunnudeginum 28. apríl verður síðan lokahátíð í Laugardalslaug þar sem Sirkus Ísland mun sprella á sundlaugarbakkanum og Dr. Gunni & vinir halda uppi stuðinu. Sjá nánar um dagskrána hér.