Í dag fimmtudaginn 8. maí verður Ferðafélag barnanna með eldfjalla- og gjótukönnun í Búrfellsgjá. Gengið verður eftir Búrfellsgjánni að gígnum Búrfelli. Þetta er sannkallaður ævintýraheimur sem veitir innsýn í það hvernig Ísland varð til.  Á leiðinni verða skoðaði hellar, sprungur og gjótur kannaðar og hafa leiðbeinendur einstakt lag á að glæða náttúruna ævintýraljóma.

Þetta er ferð sem við mælum með fyrir fjölskyldur.

Gott er að taka með nesti, vasaljós eða höfuðljós til að lýsa inn í hella og klæða börnin eftir veðri.

Lagt verður af stað á einkabílum frá bílastæðinu við Vífilsstaði í Garðabæ kl. 17.

Nánari upplýsingar eru hér.

Mynd að ofan er fengin að láni af heimasíðu Ferðafélags barnanna og var hún tekin í Búrfellsgjá í fyrra.