Árleg Jónsmessugleði myndlistarfélagsins Grósku í Garðabæ verður haldin fimmtudaginn 25. júní á strandlengjunni í Sjálandshverfi. Hátíðin hefst klukkan 19:30 og dagskrá sýningarinnar stendur til klukkan 22:00.

Þema Jónsmessugleðinnar er „tónar“ sem listamenn tjá i myndverkum og skúlptúrum meðfram göngustígnum í Sjálandi.

Jónsmessugleðin hefur verið árlegur viðburður undanfarin sjö ár og jafnan verið geysivel sótt.

Eins og venjulega er margt viðburða í tengslum við sýninguna þar sem margar listgreinar eiga fulltrúa og nær 100 manna hópur ýmissa listamanna koma fram og gefa þeir allir vinnu sína.

Jákvæðni og gleði einkennir hátíðina sem er alltaf haldin undir kjörorðunum: Gefum – gleðjum – njótum.

Mynd er fengin að láni af vef Garðabæjar.