….að Ásta Laufey (42) hafi skellt sér í Sögusafnið um síðustu helgi með fjölskylduna, Þorstein (44), Benedikt (14), Aðalstein (10) og Ríkharð (4) þar sem þau klæddu sig upp eins og sannir víkingar vopnum búin.  En eins allir vita sem Ástu þekkja þá er hún mikill dugnaðarforkur sem lætur sér sjaldan verk úr hendi falla. Enda höfum við það eftir áreiðanlegum heimildum að hún geti rakið ættir sínar í beinan kvenlegg beint til Hallgerðar Langbrókar sem var eins og allir vita mikill kvenskörungur.

Nú er stefnan tekin á æfingar bæði í bogfimi og skylmingum hjá þessari flottu fjölskyldu og verður gaman að fylgjast með þeim í framtíðinni.

Á Sögusafninu eru vaxmyndir af helstu persónum íslendingasögunnar og hægt að fræðast um söguna á lifandi og skemmtilegan máta. Á safninu getur fjölskyldan fengið að máta föt frá tímum víkinga og á staðnum eru einnig sverð, brynjur og fleira spennandi að prófa. Upplagt er að taka með myndavél.

Staðsetning: Grandagarður 2, Reykjavík. Opið alla daga kl. 10-18.

Sjá nánar á http://sagamuseum.is/