Þriðjudaginn 23. maí býður Ferðafélag barnanna fjölskyldum í ævintýralega kvöldgöngu á Reykjanes.  Gengið verður um ægifagurt landslag þar sem litadýrð náttúrunnar er einstök. Gangan hefst við Djúpavatn og gengið verður hring upp á Grænavatni og um Sogin. Þetta er ganga fyrir spræka fjallgöngukrakka.

Mikilvægt er að vera í góðum skóm og með nesti.

Lagt er af stað á einkabílum frá skrifstofu FÍ, Mörkinni 6 kl. 17 og heimkoma er milli 21 og 22.

Þátttaka er ókeypis og þarf ekki að panta.